M365 Substrate and connected experiences

M365 Substrate and connected experiencesوازاي كل حاجة في ميكروسوفت 365 مرتبطة ببعض

عارف ابن عم اخت بنت عمك اللي انت بتقابله في المناسبات وبتقول هو الراجل دا قريبي من بعيد ؟ هي ميكروسوفت 365 بقي عاملة زي كدا بس صلة القرابة بقت بشكل كبير وبقيت فاتح مشاريع مع الراجل وداخلين في حورات مع بعضكو وبتقول عليه قريبي علي طول عشان تقصر الكلام طيب, لو انت متابع بقالك فترة ف انت فاهم انا حريص ازاي اني أوصلك شوية اساسيات كدا. لحد  Sharepoint Exchange Teams eccدلوقتي تقريبا احنا لسا ماتكلمناش عن خدمات ميكروسوفت زي  

طيب انا شخصيا لما ابتديت اتعلم لوحدي وابتديت امشي في طريق التعلم الذاتي هتلاقي نفسك بتلصم معلومات جنب بعضيها, لكن الاهم من أنك تلصم معلومات انك تفهم الدنيا دي بتشتغل ازاي مع بعضها.ف لو انت جاي من اون بريم وداخل علي ميكروسوفت 365 هتحس ان الدنيا كلها شغالة مع بعض وكله داخل في كله ودا حقيقي ودي مش حاجة وحشة او حاجة تخليك تتخض وتحس انك داخل علي لعبكة ومش فاهم حاجة في الاول ف دا عاديبس انا عايزك تعمل حاجة, مش هكلمك واقولك الفيرشوال ماشينز وكوبينرتس والدوكر والكلام اللي قدام اوي دا, بس اللي عايز اوصلهولك ان الكلاود اي حاجة بتقوم في ثانية الا ثانية وفكرة انك كنت تحت علي الاون بريم بتنزل الويندز سيرفر وتاخد بالك منه وتنزل اكستشانج وتاخد بالك منه وتنزل شيربوينت وتاخد بالك منه وكل ابليكشين عايش في دنيا لوحده

ميكروسوفت 365 بتقدملك دا كله ولكن بتشيل من عليك حمل التسطيب والتحديثات والكلام دا كله وفوق دا كله وهي دي نقطة النهاردة بتخلي كل الحاجات تشتغل مع بعض وبيدو معلومات لبعض 

طيب, لحد هنا تمام هنرجع خطوة بس لورا لموضوع اللي اتكلمنا فيه الاسبوع اللي فات عشان أكتر من شخص كتبولي انه الفكرة موصلتش اوي 

Substrateزي ما أنت شايف الحتة اللي في الوسط دي هي ال 

زي ما قولتلك انت ك ادمن و كيوزر ملكش دعوة لكن ك أدمن يهمك انك تعرفه في جملة بسيطة هو عبارة عن الذكاء الاصطناعي اللي بيتغذي علي كل المعلومات اللي في السيستم  واللي بيتم استخدامها من جميع الابيلكشنز والخدمات عشان يساعد اليوزر بتاعك انه يشتغل أحسن

  مفيش الصراحة أحسن من الفيديو بتاع جيفري سنوفر بالمناسبة لو متعرفش مين الراجل دا ف هو  بيتقالو "بابا الباورشيل" لانه فعلا الاب بتاع الباورشيل دا الراجل اللي اخترع حاجة اسمها باورشيل اصلا  

الراجل في الفيديو شارح الفكرة وبيدي مثال عليها واعتقد انه مبسط الأمور جدا  :D طيب كدا خلصنا من اول مرحلة قوم هات كوباية شاي بقي وتعالي عشان اللي جاي غير اللي راح

Connected experiences

من الاسم كدا هنلاقي الحاجة بتشرح نفسها "التجارب المتصلة" طيب ايه يا سيدي بقي التجارب المتصلة دي ؟  طيب احنا قولنا ان كل حاجة بتتكلم مع بعض من خلال السبسترايت, طيب لو جينا دخلنا علي الارتيكل بتاع ميكروسوفت وانا شايف انه شرحها كمان في كام جملة كدا 

"Office consists of client software applications and connected experiences designed to enable you to create, communicate, and collaborate more effectively. Working with others on a document stored on OneDrive or translating the contents of a Word document into a different language are examples of connected experiences." 

 يعني التجارب المتصلة دي هو ان كل برنامج وكل برودكت في ميكروسوفت بيكلم التاني وبيقوله خلي بالك فلان وفلان دخلو علي الفيل الفولاني, ف يجي فولان تالت دخل معاهم في التيم وبيسرش علي حاجة جوا الشبكة بتاعت ميكروسوفت 365 يلاقي الفيل اللي صحابه شغالين عليه طلعله دا مثال

 مثال تاني لمشكلة قابلتنا في الشغل من قريب كان في يوزر بيستخدم اوتلوك وهو اليوزر الوحيد اللي  في ميتنج ميطلعلوش هل الاوضة متاحة مش متاحة ولا اي حاجةLocation لما يجي يحط ال 

طلعت المشكلة انه كان قافل التجارب المتصلة دي في أوتلوك عشان نبقي عمليين بردو التجارب دي بتوصلها من خلال File > Office Account > Manage privacy هنا التجارب دي شغالة

هنا التجارب دي مطفية

وطبعا في شوية حبشتكانات تانية زي انك تكتب حاجة في ملف وتيجي في ملف تاني وانت في نفس الملف تعرف تجيب اللي اتكتب في الملف التاني. اللي عايزك تعرفه ان التجارب دي عامة معظم تأثيرها علي الابليكشنز اللي بتنزل عند اليوزر 

خش هنا وادي بصة لنوعية التجارب دي زي ايه 

https://365a.com.au/wp-content/uploads/2021/03/Tech-Alert-Updated-Connected-Experiences-in-Microsoft-365-Modern-Office.pdf

https://www.urtech.ca/2019/11/solved-what-are-connected-experiences-in-office/

عشان كدا عامة بنصح اللي هيتجه ناحية ميكروسوفت انه داخل جوا عالم كامل متكامل ف حاول تستخدم الخدمات كلها بشكل عام عشان هتدي الشركة بتاعتك واليوزر بتوعك اريحية كبيرة في التعامل ومشاركة المعلومات وهتوفر عليهم وقت أعتقد احنا خلصنا الجزء دا و الصراحة انا فاهم انه ممكن يكون مفاهيم متقدمة ولكن صدقني انا ملاقتش حد يشرحلي الحاجات دي في الاول ولما قابتلها مؤخرا فرقت معايا جدا في شغلي وفهمي العام للايكوسيستم بتاع ميكروسوفت 365 Workloadsكدا كدا نقدر نبتدي نتكلم بقي في الدهاليز الداخلية ونخش علي ال 

أتمني يكون الموضوع وصل بشكل بسيط ولو مش فاهم حاجة ممكن ترد علي الايميل او تكلمني علي لينكد ان 

أشوفك الاسبوع الجاي يومك جميل 

بوستات لينكد ان